The Shadow Darkness Warroir

Kami enggai belaya enggau genap bansa ba dunya tu ga anang meda bansa kami dipandang baruh laban lebuh nuan selalu nyelenggek kepala katas,putus urat rekung nuan ila.Kami tu rindu keamanan dan ketenangan dah hak sama kerataan sebedau kami dayak ngemunas hak nya ila.Tusah kitai ka meda keamanan enti carut besai.Kitak angka ari agama tang kami ari agama tuai bansa kami dayak.Seagi kitak nya mensia kami sigi enda takut.Ba perajar kitak ba askar sigi basic aja di ajar bansa kami iban laban nemu kitak jemah ila ka munuh iban ka munuh bansa dayak ari penemu dajar bala Sarawak Army Force kelia baka Sarawak Rangers enggau Iban Trackers.Nasit suba kami memadah ke bala suba,anang kelalu penuh ngajar bansa bukai ba penemu perang kitai.Endang amai,nyentuk kediato sida dajar basic aja.Kabuah pia kena nyaga taktik teulung bansa dayak ditemu orang bukai.Maioh enda ditemu sida ia.Enti nyidik bekau kaki aja,mmm..anakbiak berumur 10 taun pen nemu.Maioh dajar basic ja nya kelia nyentuk kediato.Mina DAYAK the real headhunters ja nemu secret nya.Ngarap polisi perintah nya betul ngetan ke rakyat ukai munuh rakyat,ukai ngasuh rakyat nya charut baka kediato.Nama kabuah bejako bakanya laban enti majak kitak nekan rakyat,musnah meh sebuah keamanan,musnah meh erti perikemanusiaan,musnah erti ketamadunan enti dunya nyau carut enyau beperang.Kasih rakyat ti enda bedosa laban kitak nya.Kingat jako aku,nuju genap bansa dayak...SERAKUP kitai,enti kitak enda SERAKUP nya petanda kitak ngelaban bansa tau dikumbai pengkhianat bansa diri baka digaga sida ba jeman Rentap suba.Kingat kitak ila anak kitak asie,ila enti kitak enda SERAKUP pecah dunya keamanan kitak tu ila.Kitak ka ngambu identiti bansa bukai,kitak ka nyadi kampar baka bansa burma,Diato kitak tucum meda kami nyampai mesej baka tu,tang tau kingat kitak lebuh utai disebut aku nyadi ila,nyabak bedarah kitak ila enda meh mulai ke tucum kitak nya ila.Diato dunya angat enggau maioh macham isu.Ko dik,enti nyadi nya..polis tentera bisi ko kitak.Naka ni sida ia ulih ngetan kitak ila deh enti sida empu ditinggang penusah baka kitak nya deh??Tucum alu kelesey meh jako aku nya enti aku madah utai baka tu meri kitak nya jenaka.Aku kasih ke bansa tang bansa enda kasih ke kami pen.KEKALKAN KEAMANAN INI..KERANA KEAMANAN INI TERLALU BANYAK DARAH MENYIRAMI BUMI INI KERANA KETAMAKAN MANUSIA.BANGKITLAH SAUDARA SAUDARI PEMBACA,PULANGKANLAH HAK KESAMA RATAAN KEPADA SEGENAP INSANI.INSANI INI HANYA HIDUP DIBUMI SEPERTI BUNGA,KAMU HEBAT DIDUNIA INI TAPI TAKKAN HEBAT DI MATA ALLAH KERANA KAMU MEMBUNUH SEBUAH NILAI KEPERIMANUSIAN.ELAKAN PEGADUHAN SESAMA MANUSIA KERANA MANUSIA INI PUNYAI SIFAT BERDENDAM UNTUK MENGHANCURKAN SEBUAH NILAI PERIKEMANUSIAAN SUATU HARI BILA SAAT TIBA NYA.
KEEP PEACE AROUND THE EARTH.
MESEJ DARI ADMIN PEMATAK KAYAU MENUA.
DERRICK DAERON STELONE(DDS)
SAY NO TO WAR.
SAY YES TO KEEP BE PEACE.
KASIH KE BANSA,SINU KE BASA.
"Seagi kitai tu mensia,anang ngumbai diri kitai kering laban kktai nemu mati,seagi kitai nemu mati seagi nya kitai mesti ngetan ke tanah ari dipanjah darah mensia ti suci ati"
Word by niang Nirau.
Katuai KP taun 1950-1980
Kemayang Pengayau Army Force.
Michael Hendrick mengiktirafkan orang dayak mempunyai askar sendiri yang dipanggil The Shadow Darkness Dyak Warrior pada tahun 1905 selepas kepulangan nya yang menjadi nohkoda kapal stim di Sarikei.Ini sejarah sarawak yang tidak pernah diketahui umum orang dayak sendiri.KEKALKAN KEAMANAN INI.

Nemu kita,

Panga tauka rumah pengengkah antu pala ti digaga bala madik kitai bansa LAND DAYAK.Enggi Mering anak Gindam ti nyadi katuai Kemayang Pengayau suba pen ka sebaka tu tang dengkah ia ba umai sida ia ba Ulu Batang Engkarie agi menya suba.

Ensera Jenau Nabau Ijau.

Part 2.Tampung part 1.

Pengudah ia bemimpi diak Kumang ngau Lulong nunjuk ke pengaruh dikena ia ngayau pagila ba dalam mimpi Jenau tadi.Diak Jenau enda kekakang ati alu ngambi tisik utai ti nipis alu ia bejako nya aja pengaruh dikedeka ke ia ko ia madah ke kumang ngau Lulong.Peda mua Kumang ngau Lulong enyau ngenung lama.Diak kumang bejako..
Nya Jenau laban nuan milih tisik nabau ijau nabau kenarau nabau tasik nabau pulau,jemah ila nuan meh tau matak serang tau matak kayau tau matak bala dayak ngayau mulau,nuan tu meh mensia enda kekakang ati enti bebunuh enti betempuh,endang punas menua laban dik ila.Nuan tu meh ila lebuh parai tuai nyadi nabau ijau.Tu sumpah aku agai nuan Jenau.
Lulong alu bejako..
Nya Jenau nuan udah milih tisik nabau ijau,nadai siku baruh ari ulih ngalah ke nuan ba dunya pegari.Nadai siku mensia ulih matak nuan ngejang pergi,nuan endang orang ke berani.Pagila sigi enda kekakang ati,ambis bala munsuh dipumpung nuan lesie,mina anang nuan munuh sida ke indu anak mit kasih ke sida nya beati tuci.Bai sida ia nyadi ulun nuan au asie.Nya uwai Jenau,nyau dinihari,tu mina mimpi nuan asie..Angkat nuan,alu pergi nyerang kuta panglima ke jai ati.
Diak Kumang enggau alu nempap tengan bahu Jenau ba kanan alu enggi Lulong nempap bahu ia ba kiri.Diak Jenau tedani ensugau alu ngaru tengan bahu ia..Diak ia meda tak licin tengan bahu baka bisi tisik besai,malik Jenau ke tengan bahu diak meda tisik sapiak sapiak ba.Seretai nya ia alu engkurup mulut alu,alu nitih dudi ari bala pengayau kabukai ti dulu napat ke munsuh.Datai ba din diak sida bisi siku pengayau nebah gong nebah taboh perang ngena gong enggau gendang.Dinga bala munsuh tacoh aja meda pemaioh pengayau bala dayak ti nyerang.Nadai beanti anti agi diak Jenau alu berlanda napat ke munsuh ba alu nyintak ilang mendua itek laban ia sigi bekena ke ilang bakanya.Alu engkecit alu ngerempuh munsuh seretai ba baruh ia alu netak alu pedang munsuh putus kena pantap ilang Jenau.Meda Jenau udah dulu diak bala pengayau kabukai pen nitih mega alu napat ke bala munsuh.Tak keraoh aja panjong mensia laban ngeransing ati bekayau.Enggi Jenau majak mapar semapar pala bala munsuh,naka ulih ngentak nanjar munsuh.Ngujung Jenau datai ba mua Panglima.Diak panglima alu muka puchau alu ditabur ia beras,amai baka leka ujan meh berau nya nya tadi.Jenau alu muka puchau ia mega puchau.Dambi ia ai ba dulang tadi alu dipuchau ia,peda ai nya berasap alu ambi ia kain,alu ditempap ia meniga kali,peda kain ia nyadi besai nganchau ba tanah alu ai nya nyadi angat sereta beleka leka baka ai ujan panas.Tak ngenung panglima nya meda anak iban nya tak lebih pintar ari ia.Diak ia bala munsuh enyau alah diato bala pengayau meda Jenau enggau Panglima beruji uji penemu bisa mega.Tak ngenung magang mensia maia nya meda utai bakanya.Nadai meh sida ia nyangka penemu Jenau nya nyelai tinggi agi ari sida ia.Seretai nya Panglima alu nyepu berau nya nuju bala pengayau dayak diak tang Jenau nepis berau nya ngena ai panas berangat nya tadi peda leka berau nya tama dalam ai angat tadi.Baka titik ujan bisi utai ba dalam ia.Diak Jenau nyepu ai angat tadi nuju Panglima nya peda panglima ka nepis tang ia udah laun laban kain tadi udah melit kaki ia ngau tubuh ia,diak leka ai angat tadi baka peluru nembak tubuh ia,peda perunsai kebal Panglima nya.Peda tubuh ia dibalut kain merah nya alu dipeda bala maioh ai angat ba dalam nya berau nimbak tembus tubuh ia.Enti dipeda mata tubuh ia baka ditembus leka peluru ti nadai nemu putus putus nimbak.Udah timbak alu nikai katas baru ai nya alu nimbak baru indah baka indu manyi nyengat kitai mensia,ngujung tubuh Panglima nya anchur lebur.Udah nya diak Jenau alu nyepu ai nya ke dalam kuta.Ni bagi munsuh ke lelaki bedau idup ambis dibunuh ai angat ti baka ujan nya.Darah mensia naka pemaioh nya ba tanah mega.Dinga raoh orang ba istana panglima enyau sinu ninga ia diak,diak bala pengayau dayak kabukai ngasuh Jenau ngemado munuh orang ba menua nya ngena utai bakanya laban sida nya kasih meda tubuh munsuh baka dipakai burung,enyau tingal tulang ditimbak ai angat nya.Diak Jenau ngasuh ai angat ngetu diak meh sida meda ai angat nya datai agai mua Jenau alu ba diak sida meda ai angat nya berubah bentuk baka mensia alu ia dipuchau Jenau baru mega diak ai angat nyadi ai baru.Alu leka berau nya pen bakanya mega alu bergerempuru baru ba dulang.Pengudah menua nya alah diak sida ia ngemai maioh bala ulun ari menua Mukah agi menya.Enggi Jenau cukup pemaioh ulun maianya.Pemulai ari kayau ari Mukah diak sida Jenau suah agi bekayau ngelaban bala Sultan Brunei ngujung kekuasaan Sultan Brunei majak lemik selemik pengudah pemati Panglima nya kelia.Bepuluh taun bala iban bekayau ngelaban kerabat Sultan Brunei diak tudah Jenau tu udah tuai amai mega.Sida Jenau kala bulih pala anak Sultan Brunei menya ba Daro agi menya lebuh bala kerabat nya nyerang menua Bintangor alu bemalam ba Daro ketegal enggai ditemu pejalai pulai ari bala dayak maianya.Jenau mati maia umur ia 130 taun maia nya setaun lebih dak agi ia ka atai jeman penama era James Brooke.Jenau mati maianya endang seminggu menua Batang Rajang enyau kudik laban maia sida sarumah ia nyengai Jenau diak tubuh Jenau berupai endar bebali nyadi biak alu diak sida meda angkat baru enyau baka orang bujang Jenau dipeda sida diak Jenau mekat ba Teluk Selidung meh aku diau alu ba Teluk Gayuk meh umai aku ko ia.Enti aku mindah ila angka agai tasik besai mega.Nyaga diri manah kitak ucu ko ia.Jenau enda kala bebini,ia mina ngambu tauka ngiru anak orang nyadi anak ia.Jenau beridup enggau madi ia ke indu enggau ipar laki madi ia nya tadi mega.Jenau tu purih sida Bija ti nyadi editor page kami ditu mega.Alu ilang pendua Jenau agi mengkang ba Bija mega.Kelai ilang nya dibasu jemah ila ba Batang Rajang baru,menua ka kudik selama tujuh ari bejurut jurut mega alu jeman bekayau ka nyadi baruu.Arap nadai agi meh bekayau.

Kuta Bukit Sadok

Lakaran Harriette Mc Dougall lebuh ia meda kayau bala dayak belaban enggau munsuh mega maia jeman penatai James Brooke.Harriette Mc Dougall ulih ngelari kediri ari dipumpung bala Iban lebuh penurun kayau bala iban skrang agai kubu Brooke ba Nanga Skrang.Kenu ko Harriette ia madah maia nya ia meda ninga bala iban ti nyadi pengikut agama Kristian bisi madah ke ia maia nya Bantin tu benung ka mantap nya,alu ke megai sangkoh nya Minggat,alu ke teduduk ngenat pemedis nya Runggai.Alu ia ke tegali jari tekepai nya katuai bansa Gurkha benama Raymond Pakien.Runggai maia telih balat ba pah alu ia ditaban pulai jampat bala Bantin enggau Minggat ti nyadi manok sabung Rentap.Runggai mati lebuh Rentap niri ke kuta ba Bukit Sadok laban Runggai salah mimpi betempuh enggau bala Rajah dikatuai Gani.Runggai kenu ke jerita tuai endang berani baka sida Rentap mina ia enda tau matak kayau enda tau matak serang laban ia bedarah panas.Runggai tu meh kah mensia nadai ngena pengaruh tang ngandal penemu kuntau enggau pengebal aja.Pemerani Runggai endang disalute bala tuai kayau tuai serang menya,Runggai tu endang pintar,ia ngeleka ke rajut kebal ia lebuh bertempuh laban ia ke nyepi darah ka nyepi asai kena pantap laban ia baka tu laban ia ngasai pengidup ia kosong laban sida sebilik ia ambis mati dibunuh orang menya suba mina anak ia siku aja bedau idup ngujung anak ia tu suba di iru Minggat nyadi ke anak ia mega.Runggai tu meh mensia ti nadai begunaa ke utai bakanya laban ia bedarah panas sereta nadai kekakang ati enti bekayau,Runggai kala dikumbai Rentap baka tu,Runggai Penimpai Runggai Enggai Parai,Endang Kempang Parai,.
Runggai mina nemu bekuntau aja sereta ia ngembuan peneras berlanda endang sigi tegal niki bukit ari pengidup ia ngelatih diri belama ari penemu ilmu batin ti kuat.Ia parai laban pen tetap manjung ngasuh bala iban majak nyerang bala Rajah.Tubuh ia bisi meniga sangkoh rembus ba tubuh.Ia bedau ulih ngirit tubuh diri munuh bala munsuh ari Rajah Brooke.Runggai mati pengudah bala Rajah Brooke lari ari Bukit Sadok.Maioh orang nyabak ke Runggai laban ia tu endang pahlawan ti kuat ti hebat ti nadai kala madah enggai maia betulung ke bansa diri menya.Runggai mati ba dipangku madi angkat ia Rentap.Diak Runggai bisi nyebut agai Rentap baka tu jako alu didinga bala pengayau iban maia semak 10ribu iku maia nya.
"Madi,enti aku pergi agai sebayan ba dunya nyelai ari,aku nesau aku mekat nuju bansa kitai,aku mati baka tu laban aku KASIH KE BANSA,SINU KE BASA.aku pergi enggau senang ati laban nemu bansa aku nyabak ke pemanah aku ba dunya tu,aku enggau kitak baka tu madi,aku enda kala nesal enda kala enggai nurun nulung bansa diri.Kingat kitak madi,ba dunya.Pemanah kitai ngetan ke bansa kitai dikingat nyentuk ke parai nyentuk ke dunya nadai agi nguan ke bansa kitai,ba dunya ka atai nama aku angka enda agi dikingat tang kena ngingat ke nama aku,ibun nuan manah anak aku au madi Minggat.Bai ia begulai enggau nuan mega Mering,bai meh ia ngetan ke bansa jemah ila."
Runggai narit seput alu bejako baru.
"Mupuk ku madi,naka tu aja kitai begulai ba dunya tu,ba sebayan ku nganti kitak mega.Kasih ke bansa,sinu ke basa tu meh pemati aku."
Runggai tucum alu ia matak seput sekali aja alu pergi meh tudah ia,lesi meh utai diasie,lesi ditaban ari,dibai petara pulai ke tisi ia.Maia nya maioh orang nyabak ke Runggai laban basa ia endang besai ba bansa diri mega.maia.Maia nya sekayu menua Batang Skrang,Ulu Layar,enggau damping menua Bukit Sadok sigi ngulit ke ia labann menya rita pemanah basa Runggai endang besai mega kelia.Bala pengayau Iban ba Bukit Sadok berasai amai pengudah Runggai ngejang pegi.Sida ia baka ke puang nadai meda Runggai ngajar kuntau,ngajar ngajat sereta kabukai.Sunyi meh kuta nadai didinga orang ketawa.Anak Runggai ditaban bala Kemayang Pengayau agai Batang Engkarie menya pengudah Minggat nyerah anak Runggai ti dambu Encharang nyadi ke anak.Penyayau Runggai ke bansa kitai tetap dikenang seumur idup bala kitai iban.Siku mensia ti rurus ati ngereja pengawa sereta tan ati ngereja pengawa ti tusah.SALUTE TO NIANG RUNGGAI.
KASIH KE BANSA,
SINU KE BASA.
SAYAU KE BANSA,
NAKA ULIH BETABI BASA.
Jako ari niang Runggai.

Sumber ari Mary Tinggom Story enggau Harritte Mc Dougall.
Kala diposting DDS pasal bup Harriette tu laban aki ribai ia purih bala Harriette Mc Dougall tu moyang sida ia.
KASIH KE BANSA,SINU KE BASA.

Pejalai Pengidup - Nemuai ngagai menua lama Skrang - Part 2

     Empai lama iaka udah,bala kami bisi merambu pejalai nemuai ngagai menua asal ikas ti ke dua,ianya nemuai ngagai Nanga Darai Ulu Skrang,pejalai bala kami sebuat ari Sri Aman ngagai Pengkalan Murat lebih kurang sejam,sepengudahnya..pejalai besambung baru ngena perau panjai,dikebu ke injin Yamaha 30 kuda.

   Datai ba Pengkalan Nanga Darai diak pemerinsa pejalai kami baru berengkah.

PENYALAH JADI MALI

Nyadi dulu kalia kitai Iban enti jadi mali baka anak jadi enggau apai tauka indai, tauka pangkat anak jadi enggau pangkat aya tauka pangkat ibu, tauka mentua jadi enggau menantu, tauka jadi salah serak nitih ke tusut, ukum iya kena bunoh kadua dua iko seduai ke ngaga penyalah nya, jalai munoh seduai ti jadi salah serak tauka jadi mali tu iya nya enggau buloh aur pantang ke udah di lancham tajam bendar lalu dipantang ka ba tubuh seduai ti di pegulai ka betangkup dalam siti lubang baka kitai ke numbak ke orang mati, tang nadai di simpan dalam lungun tauka santubong, indu ari baroh lalu lelaki ari atas. Lalu udah seduai iya nya ditumbak, dia buloh aur nya tadi lalu di pantang orang ke udah di padu ke ngereja pengawa mantang seduai nya tadi sampai ke seduai iya parai. Lalu udah seduai iya parai dia sepun buloh aur lalu di tanam atas apak bangkai seduai ke udah mati di aur nya tadi di tumbak kena ngingat ka alai pendam seduai iya. Nya alai di sebelah menoa kitai bisi buloh ke di kumbai orang buloh aur pantang, serta bisi di peda turun menurun kitai Iban nyentok ka kamaia hari tu baka ba Nanga Poi di Kanowit.
Kabuah alai kitai Iban badu agi ngena ukum pantang ngena buloh aur, bepun ari cherita indu siko benama Simbah dulu kelia nitih ka ajar Sengalang Burong. Laban cherita tu enda bepun ari tusut nya alai aku enda tentu nemu sekali ke cherita tu bendar tauka bula. Nyadi Simbah tu iya nya indu dara, tang nyau kalama dia iya di peda sida serumah tak lain pendiau baka ke udah betubuh bisi lalu di temu sida ngandong nadai bisi laki. Meda iya ngandong baka nya dia sida serumah lalu nanya iya sapa orang lelaki ke bisi buya udah enggau iya beleman. Nyau ke puas sida serumah ke nanya iya, tang Simbah tu lalu enggai madah ke sapa lelaki ti enggau iya beleman nya nyentok ka iya nyau di temu orang maioh ngandong nadai bisi laki.
Simbah pan agi enggai nusoi madah ke diri empu sigi digayap menyadi iya empu ti lalu enggau iya beleman sampai ke nyau betubuh bisi. Nya alai kebuah iya ke enggai madah ngagai orang maioh laban takut ka diri di pantang orang ngena buloh aur. Kandong iya pan nyau chukop sarat bulan, dia Simbah pan lalu beranak tang menoa sida iya balat bendar di pangka ka kudi, siang malam ujan enggau kabut nadai ngetu ngetu sepengudah anak Simbah tu ada. Tanah nyau tumpor laban tusor ti balat bendar di maioh bengkah endor, lalu mensia pan nadai meruan gawa laban hari ke selalu jai baka nya. Meda hari enda badu kudi, dia apai indai iya enggau sida serumah lalu minta Simbah enda tau enda madah ka sapa lelaki ke enggau iya beleman. Enti iya enda madah, orang maioh sigi udah besemaia deka munoh iya, meda kudi lalu enda nemu badu. Nyadi hari siti bedau ga orang maioh nya tadi munoh iya, dia tudah Simbah lalu di peda sida berua nimang anak iya di ruai, lalu tu munyi leka timang Simbah ngagai anak iya ti didinga orang.
Adu adu anak aku ukai nadai apai,
Endang aku tu bisi orang ngayap,
Tang enda kempang aku ka madah,
Takut ka kami duai di tinggang penusah,
Anang meh kita munoh aku ,
Enti aku tu salah tau betimbang,
Lalu tau di ukum nitih ke tusun tunggu,
Tau Besapat di ai, tau besapat di darat.
Bunoh ka babi siko di ai,
Lalu siko di darat,
Ke di kumbai babi emperingat,
Bai ka Nyabor chudur siti kena mantap urat lensat,
Beliong Lajong kena mungga urat melabat,
Jalong Jebong kena nudong tekuyong baroh ungkap,
Pua Kumbu kena kitai miau moa hari ke balat betakat,
Sumpit Tapang di kena ngerejang nyebat lubang kilat,
Chapak sesingkap di kena nekat tanah rarat,
Udah nya baru kami duai di ukum ngena benda rusa,
Kena besapat ngambi ka kena muai penti pemali.
Ninga leka timang Simbah munyi nya dia sida serumah lalu berunding ninga nya. Sida pan lalu madah ka enda nyadi ka munoh iya enti iya madah ka bagi lelaki ke enggau iya ngereja penyalah nya, tang sida ka ngereja pengawa ngenselan menua nitih ka leka timang Simbah nya. Simbah pan lalu madah ka sapa bagi lelaki ka enggau iya beleman nya. Iya nya menyadi iya empu ke benama Lamit. Menyadi iya empu ti ngayap iya ke lalu ngasoh iya ngandong. Udah nemu nya, orang maioh lalu ngereja pengawa nitih ka samoa utai ke dipadah ka Simbah nunda leka buah timang iya nya tadi. Sereta udah tembu sida ngereja pengawa ngenselan menua nya, hari pan lalu baik baka ka dibuai empeleman. Simbah seduai Lamit tadi enggai nyadi di pejadi ka sida serumah, laban seduai iya tak diri menyadi tampong pala. Nyadi hari ke balat kudi pan nyau tedoh udah bekau penyalah beleman Simbah seduai Lamit nya udah diadu ka ngena adat nitih ka munyi leka timang Simbah.
Adat tu pan lalu meruan di tampong kitai bansa Iban nyentok ka diatu. Enti orang bisi jadi belaki bebini salah serak tauka butang betumbang enggau pangkat anak tauka apai, tauka indai, tauka mentua enda tau enda diukum ngena adat lama tu, bunoh ka babi kena besapat awak ka menoa enda kudi.
Nyadi ukum Perintah nya siti ga jalai ke baru di kena kitai bansa Iban kamaia hari tu, lalu enda tau enda ninggang. Enti orang ke jadi salah nadai utai kena betimbang iya tau kena tinggang ukon jel nitih ka adat Perintah. Satu nangga dua, reti nya anak di temu salah jadi enggau aya lalu ka di sapat di darat enggau di ai. Enti nitih ka cherita tu anak tau jadi enggau aya tauka ibu menyadi apai tauka menyadi indai. Tang adat Perintah diatu seduai enda tau jadi. Dua nangga tiga, reti nya anak jadi enggau petunggal apai tauka petunggal indai lalu ka di intu besapat di darat aja enggau babi sekali sepa sereta ukum benda sigi alas. Adat Perintah, lelaki kena ukum tiga puloh kati, lalu indu dua puloh kati pulai ka Perintah tang seduai tau jadi melaki bini.
Bepun ari cherita tu alai kitai bansa Iban diatu badu agi mantang orang ke jadi salah serak, tauka beleman enggau pangan salah serak. Agi mega iya ke bendar bepun ari ajar Sengalang Burong ngagai Sera Gunting leboh Sera Gunting beleman enggau ibu iya empu, iya nya menyadi indai iya empu ke benama Dayang Langit ke digelar Dara Chempaka Tempurong Alang. Agi mega ba cherita tusut Sengalang Burong kitai tau macha ba lambar 30, dia kitai ka macha cherita pasal Puntang Raga ngajar Beti enda ngasoh iya mantang Abang ke deka jadi salah serak enggau Dayang Tali Bunga laban ketegal nadai kena betimbang.
Benda tunggu pulai ngagai nyawa duit dikena dalam menoa Bagi Kadua kemaia hari baka tu:
Nama Benda = Penyampau ba mata duit.
Sigi Menukul pulai ngagai mata duit RM00.50 sen.
Sigi Jabir pulai ngagai mata duit RM1.00
Sigi Panding pulai ngagai mata duit RM2.00
Sigi Alas muda pulai ngagai mata duit RM4.00
Sigi Alas Ngerang pulai ngagai mata duit RM5.00
Sigi Rusa pulai ngagai mata duit RM8.00
Sigi Rusa lelaki pulai ngagai mata duit RM10.00
Kabuah alai madah ka pemesai sekeda adat tusun tunggu benda pulai ngagai mata duit diatu laban cherita tu bisi mansa sekeda sida. Kenu ko jerita dulu kelia tunggu kitai Iban nadai disebut ngagai mata duit nyangka laban apin bisi Perintah tauka nadai duit leboh maia nya kelia. Rintai tusun tunggu nya samina diteba ba tengah aja, bisi mit agi ari nya ngagai sesingkap mangkok batu lalu bisi mega besai agi. Tang tusun tunggu ke selalu dikena diatu samoa udah disebut dia tadi. Tusun tunggu endang sigi nitih ka baka gaya enggau pemesai penyalah orang ti ngereja penyalah nya tadi. Bisi penyalah baka pemalu samina tunggu benda aja nadai enggau manok enggau babi. Bisi mega enggau manok tauka babi aja enda bebenda lalu bisi mega tunggu enggau manok tauka babi sereta enggau benda baka ke disebut tadi dikumbai sangkar. Ka tambah nya nitih ka gaya penyalah, bisi mega tambah besi, lungga, duku tauka nyabur, ka keris samengat enggau benda mega ka kurong samengat. Disebut ngena jako pandak duit nya tauka ganti benda diatu nitih ka pemesai nyawa sida ngagai mata duit baka ke diator datas dia tadi, Taja diatu enggau duit, tang nama benda agi disebut, enti enda nya nyau ukum Perintah disebut kati tauka pikul. Tang diatu iya nyau disebut nitih ke atur ba Adat Istiadat Iban 1993 enggau jako Mungkol

Adat Berumah Nyerangkong Penti Pemali,Atur Pendiau Enggau Ulah Rumah Ranjai

1. Nyekang ka rumah nya mali, mali ka rumah angat. Reti nya nginsor buka rumah ari pamesai iya ke lama enti rumah lama apin darumpang dulu.
2. Nikup ka pemesai buka rumah enda tau, mali enggai betuboh.
3. Ngangkat ka peninggi rumah enda mali.
4. Rumah baru enda tau digaga ba tanju rumah lama, nya benamatebak sengkilu, mali rumah angat.
5. Ba ujong rumah lama enda tau ngaga rumah baru, nya benamalayar daun, rumah deka angat.
6. Rumah baru enda tau digaga ari ili rumah lama enti iya enda digaga dua rantau dua lubok ari ili. Semak ari nya, nya ke benama mandi daki. Pemali iya, kitai deka mati orang ke tuai megai pengawa rumah panjai.
7. Ngaga rumah beseberai enggau rumah lama enda tau laban iyabejengok pendai, mali rumah angat.
8. Enti berumah kili, burong dikena kitai nendak kanan sikoenggau nendak kiba dua iko.
9. Leboh nganjong tambak burong ngagai tanah endor berumah, dulu kitai ngiga nendak kanan dua enggau nendak kiba siko, udah nya baru ngerembang.
10. Tiga bulan udah ngerembang, ramu enda tau enda nuntong ba endor ka deka alai berumah. Enti ramu enda nuntong leboh dalam kandang nya, orang nya deka salah ngelaban adatbalang rembang. Kena ukom babi siko, Sigi panding ambi ka sangkar babi , nyabor tudoh ambi ka kering samengat.
11. Enti orang udah nuntong ka ramu ba putting setak, lalu iya enggai agi dia, lalu deka pulai ka puting setak meraka ramu orang, enda tau enda meri genselan manok siko, besi sabilah ka kering samengat. Tu dikumbai nyunggah ka ramu.
12. Enti tiang udah nuntong lalu enda dientak ka lepas tiga bulan, nya ngelaban adat balang entak. Ukom babi siko, sigi panding ka sangkar babi, lalu duku sabilah ka kering samengat.
13. Enti tiang udah dientak lalu enda dikebat dalam kandang 3 bulan, nya ngelaban balang kebat ke dikumbai meragai tiang. Ukom babi siko, sigi panding ka sangkar babi, duku sabilah ka kering samengat.
14. Enti udah dikebat lalu enda ditiki atap lepas 3 bulan, nya dikumbai rangkah rumah. Ukom genselan enggau babi siko, sigi panding ka sangkar babi, nyabur tudoh ka kering samengat.
15. Enti udah diatap tang enda diwan nya naju ka rumah enti lepas 3 bulan. Ukom genselan enggau babi sepa siko, sigi alas ka sangkar, nyabur sabilah ka kering samengat.
16. Enti rumah udah diatap, tang enda digaga ka dapur enggau para tauka enti dapur udah digaga, iya enda tau enda alai berapi tiap anak bulan. Enti enda pia, kena ukom manok siko enggau duku sabilah. Tang enti orang bisi sakit laban dapur enda dipandok ka, orang ka bepenyalah nya kena tunggu babi siko, sangkar sigi panding lalu kering samengat duku sabilah.
17. Enti orang sakit lalu mati laban bisi dapur enda ditungkun ka dalam rumah panjai nya, iya ke bepenyalah nya kena tunggu babi sepa, sigi alas ka sangkar, nyabur tuduh sabilah kena ngering ka samengat. Tu dikumbai tungkal.
18. Enti orang diri sabilik belaya begagai meraka ruai orang, mai besi tauka kayu, orang nya salah kena ukom sigi alas.
19. Enti orang belaya lalu mantap sabang orang ke enggau belaya, enti nya sabang gawai burong, kena ukom sigi alas, genselan enggau babi sepa, nyabor sabilah ka kering samengat. Enti nya sabang gawai umai tauka sabang gawai batu iya kena salah sigi alas, babi siko, nyabur tudoh sabilah.
20. Enti orang bisi ningkil ka antu pala ari bengkong nadai kabuah, penyalah nya diukom enggau babi siko, sigi panding ka sangkar babi enggau duku sabilah ka kering samengat.
21. Enti rakup laboh enda tau enda genselan ngena manok siko.
22. Enti orang bisi mati ari luar rumah, bangkai iya ditiki ka rumah ngena babi siko, sigi panding ka sangkar, sabilah nyabur tudoh ka kering samengat. Enti iya temuai tauka kuli mati ba rumah kitai, nya benama tinggang bangkai. Genselan siko babi, sigi panding ka sangkar babi, sabilah nyabur tudoh ka kering samengat. Enti iya disengai ba ruai kitai, sasingkap pinggai ambi ka anchau tikai, panti gelegar bari skayu. Enti tiki sentubong genselan babi siko, sabilah duku ambi ka kering samengat. Enti singgah bangkai, genselan enggau babi ke udah tumbuh taring. Enti ngena babi indu, enda tau enda ngena iya ke udah sakali sepa, sigi alas ka sangkar, laban iya ukai empu rumah.
23. Enti orang terap ba rumah kitai laban lubang tauka sawang enda dialit ka, orang ke bempu ruai nya deka kena ukom sauta lalu di iring manok siko. Enti orang telih, ukom ditambah ka enggau pinggai sasingkap ambi ka sakap darah, kering samengat duku sabilah.
24. Enti orang bekerik mansa ruai orang, kena tunggu sigi panding, genselan enggau manok siko. Enti rumah bisi ngulit angkat orang bisi bagendang mansa rumah, rumah orang ka bagendang nya kena tunggu sigi panding.
25. Enti orang bisi perau, tauka buah, tauka utai ditupi kena bunuh pangan, iya ke empu utai rusak lalu muchau nyumpah orang ke dirumah nya bejalai niti rumah, iya kena tunggu sigi alas, genselan enggau manok dua iko, dua bilah duku ambi ka kering samengat. Penyalah orang ti ngerusak serta munoh utai nya endang tau didakwa ka iya ba tuai rumah.
26. Enti orang bisi ngandong ngampang lalu enda dipansut ka apai-indai iya, enti orang bukai nyau ngelala kandung, iya diasoh dulu munoh manok ambi ka gadai, awak ka kandung iya chelap, enggau enti orang bisi sakit kena pandang kandung nya, tau gerai. Udah apai-indai nemu orang enggau anak sida beleman, nya baru nuntong ka kandong. Rumah enda berat agi laban hal nya, laban manok gadai udah dibunoh.
27. Udah lelaki enggai diambu, indu enda tau enda munoh manok dua iko kena mansut ka ampang. Darah disadong ngagai rumah orang ti udah ditiki indu nya sakumbang iya udah ngandong. Bangkai manok tu enda tau diempa, buai ka ai – mali lungau.
28. Enti rumah bisi belian, rumah nya enda tau enda digantung ka tambai. Enti temuai datai enda iboh ka tambai, iya deka kena tunggu orang ke empu pengawa nganti tambai manang. Reti nya nganti adat manang.
29. Enti orang bisi najar kayu semak rumah orang, pengawa nya dikumbai nyakap rumah orang. Adat tu sigi panding, manok siko enggau kering samengat.
30. Enti nemu utai orang enda ingat tauka berayan ba jalai beri ngagai orang ke empu. Enti enda, udah nya temu orang ngelalai ka utai tu, iya ngaki pulai sigi jabir.